O vindeiro venres 29 de xuño, ás 20:00 horas, Rebeca Cervantes falará no salón de actos do Castelo de Santa Cruz sobre as súas vivencias, a solidariedade e a cooperación internacional. Esta relixiosa, misioneira mercedaria de Bérriz, percorreu os cinco continentes axudando as persoas máis necesitadas, atravesando situacións do máis adversas tales como conflitos bélicos ou graves catástrofes naturais.

A última destas experiencias foi a erupción do Volcán de Fuego, en Guatemala. Cervantes, ademais de axudar desde o primeiro momento ás vítimas, está a impulsar diversos proxectos para a recuperación das zonas afectadas, dos que falará a na súa conferencia.