Ángel García Seoane, voceiro do grupo provincial de Alternativa dos Veciños, defendeu este venres no pleno da Deputación da Coruña unha moción aprobada cos votos de todos os grupos agás o PP, que se manifestou contra desta moción. O grupo popular xustificou este voto acusando a Lucano de criminal e atacando ao Concello de Oleiros pola súa campaña de apoio a Riace nos paneis informativos. Ante estas acusacións, o alcalde de Oleiros e voceiro do grupo de Alternativa na Deputación, García Seoane, respondeu poñendo de manifesto as políticas de extrema dereita levadas a cabo en Italia e que o PP está a branquear: «Hai un alcalde que está sendo procesado por salvar vidas humanas, por instalar a familias enteiras no seu municipio e salvalo. Pero tampouco me estraña nada a actitude do PP, desgraciadamente, xa que está a derivar cara á extrema dereita máis semellante á que está a rexurdir en Europa».