Alternativa convoca asemblea veciñal en Sigrás

A xuntanza coa veciñanza será para o vindeiro luns 23 ás 20,30 horas no Local Social de Sigrás.

Alternativa continúa a percorrer as parroquias ofrecendo un canle aberto de comunicación para coñecer as cuestións que preocupan á veciñanza no día a día e poder trasladalas ao goberno municipal.

A escaseza de espazos e actividades que promovan a participación fai que o grupo prosiga convocando estas asembleas para que a veciñanza teña un canle no que expresar as súas queixas, demandas e propostas.

“Convidamos á veciñanza a pasar da queixa á acción, achegarse a buscar solucións e propostas adaptadas ás necesidades reais que teñen para demandar ao goberno municipal. ” sinala Raúl Varela, voceiro do grupo.

Comparte esta nova!