Un acto de lembranza de José Couso e o seu desgraciado asasinato a mans do exército norteamericano en Bagdad terá lugar no parque que leva o seu nome, en Perillo.
Participarán un familar de Couso, Francisco Permuy, o xornalista Alfonso Hermida e o cantautor César de Centi, que acompañarán ao alcalde de Oleiros, Ángel García Seoane, nun acto conmemorativo do asasinato no parque que leva o nome deste xornalista, que estaba cubrindo a guerra occidental contra Irak cando o exército americano bombardeou o hotel no que se hospedaba.
Durante estes 21 anos a Xustiza española non foi quen de conseguir sentar aos responsables no banco dos acusados, nun proceso que rexistrou numerosas sospeitas de presións sobre os tribunais.
