Alternativa dos Veciños parécenlle escandalosas as declaracións do alcalde de Cambre no acto de inauguración da nova biblioteca situada na futura Casa da Cultura.

É lamentable que por parte do alcalde se solicite apoio á Deputación para urbanizar as parcelas da nova biblioteca coa dotación dunha rotonda, o que sería totalmente ilegal e mesmo podería incorrer nun delito de malversación de fondos públicos.

O alcalde ten a obriga de requirir á promotora que urbanice de inmediato a parcela, xa que así consta no convenio.

O edificio atopase na parcela incluída na actuación urbanística PERI da UE-4 e non se podería chegar a construír sen facer as obras de urbanización de todo o ámbito, constando así no convenio urbanístico cos promotores da urbanización e propietarios do ámbito.

O documento recolle a obriga de urbanizar o conxunto dos terreos e depositar un aval por un importe de 529.872 euros por parte da promotora para a execución da urbanización.