Alternativa de Arteixo preguntará no próximo pleno polas liñas de alta tensión

[vc_row css=”.vc_custom_1525371096159{padding-right: 30px !important;padding-left: 30px !important;}”][vc_column][vc_column_text]

[/vc_column_text][/vc_column][/vc_row][vc_row css=”.vc_custom_1525371108663{padding-right: 30px !important;padding-left: 30px !important;}”][vc_column][vc_column_text]

Os representantes de Alternativa dos Veciños de Arteixo preguntarán no próximo pleno pola eliminación do tendido eléctrico que atravesa a Urbanización de Sol y Mar e pola situación do proxecto de instalación dunha liña de Alta tensión do Parque Eólico de Monteagudo ao novo Polígono de Móras, xa que operarios da empresa Acciona xa estiveron a sinalizar por onde pasaría o cableado.

A pesar de non contar con representación na corporación xa que o único concelleiro que obtiveron nas pasadas eleccións foi expulsado e negouse a entregar a acta, Alternativa dos Veciños de Arteixo anunciou o pasado día 2 que participará en todos os plenos que celebre a corporación municipal, amparándose no Regulamento Orgánico Municipal, no regulamento de participación cidadá e na Constitución Española.

“Preguntaremos ao Goberno Municipal en todos os plenos que quedan por diante ata que remate a lexislatura, se realizaron algunha xestión para a eliminación das liñas de alta tensión que atravesan a Urbanización Sol y Mar e o Polideportivo Municipal de Galán, xa que non se pode permitir que despois de máis de 30 anos estes veciños e veciñas sigan sufrindo na súa saúde os efectos das radiacións. Tamén, preguntaremos sobre a situación do proxecto que pretende instalar unha liña de alta tensión desde o Parque Eólico de Monteagudo ata o novo Polígono de Morás. Un novo cableado de case 14 quilómetros que prexudicaría gravemente ao municipio de Arteixo. Afectaría gravemente o medio ambiente natural do municipio e a numerosas vivendas e parcelas” apunta Juanfran Martínez, coordinador de Alternativa en Arteixo.

“Aínda tendo en conta a dificultade debido ao horario, Alternativa anima á todos os veciños e veciñas que poidan e estean afectados tanto polas liñas de alta tensión de Sol y Mar como polo novo cableado de Monteagudo a Morás, a que asistan ao pleno e soliciten explicacións e solucións ao Goberno Municipal. O equipo de goberno non pode seguir escondido, debe dar a cara” matiza Juanfran Martínez.

 [/vc_column_text][/vc_column][/vc_row]