Alternativa dos veciños de Cambre pedirá no pleno de mañá depuración de responsabilidades ante as ilegalidades cometidas na xestión, construción e licenzas do polideportivo de Anceis.

O acto xudicial mencionou que se cometeron ilegalidades na construción, despois de citar ao Concelleiro de Urbanismo e a unha funcionaria por un presunto delito contra a ordenación do territorio. Despois que por parte da fiscalía provincial se remitiran indicios de este delito, e tamén o de prevaricación e falsidade documental.

O que queda claro con isto é que o goberno local actuou de mala fe, coñecendo que non se podería abrir a instalación ata que non se “legalizasen” todas as irregularidades cometidas. E segue obrando de mala fe ao culpar aos grupos da oposición da súa nefasta xestión urbanística do “ti vai facendo”.

-Alternativa chegou a Cambre cando o polideportivo xa levaba un ano construído e sen abrir.- afirma Raúl Varela voceiro do grupo municipal de Cambre.